ശിഥില ചിത്രങ്ങൾ കവിത - പവിത്രന് കണ്ണപുരം
പണിയേറെയും ബാക്കി -കിടക്കുമൊരു വീട് ;
വീടിന്റെയുമ്മറത്താരെയോ -
കാത്തുനിൽക്കുന്നൊരമ്മ !
കാലത്തിൻ കുത്തൊഴുക്കുക -
ളറിയാതിടറുന്നമാറിൽ
ചേർന്നൊരുപൈതൽ
ശാന്തമായുറങ്ങുന്നു !
മൂകമായ് മൂവന്തിക്കു -
മുത്തശ്ശികൊളുത്തിയ
സ്നേഹനാളവും കാറ്റിൽ
ഉലഞ്ഞുപൊലിഞ്ഞുപോയ് !
പാതിരാപ്പൂക്കൾ ചിരി -
മറന്ന രാവും,സൂര്യ -
കാന്തികൾമിഴിപൂട്ടി -
നിൽക്കുന്നപ്രഭാതവും;
ദുരന്തംമാത്രം കതിരിട്ടു -
നിൽക്കുമീമണ്ണിൽ;
മൃതമോഹങ്ങൾപേറി
പദയാത്ര തുടരുമ്പോൾ;
അകലെ മേഘക്കീറിൻ
ശവവസ്ത്രത്തിൽനിന്നും
ഒരു വെണ്താരം വ്യർത്ഥ -
സ്വപ്നമായ്പ്പതിച്ചുവോ ?
കറുകത്തുമ്പിൽ കാലം-
ചൂടിച്ച തൂമുത്തിന്റെ
കവിളിൽ തുടിയ്ക്കുന്നു
ദുഃഖസാന്ദ്രമാം കാവ്യം !
ളറിയാതിടറുന്നമാറിൽ
ചേർന്നൊരുപൈതൽ
ശാന്തമായുറങ്ങുന്നു !
മൂകമായ് മൂവന്തിക്കു -
മുത്തശ്ശികൊളുത്തിയ
സ്നേഹനാളവും കാറ്റിൽ
ഉലഞ്ഞുപൊലിഞ്ഞുപോയ് !
പാതിരാപ്പൂക്കൾ ചിരി -
മറന്ന രാവും,സൂര്യ -
കാന്തികൾമിഴിപൂട്ടി -
നിൽക്കുന്നപ്രഭാതവും;
ദുരന്തംമാത്രം കതിരിട്ടു -
നിൽക്കുമീമണ്ണിൽ;
മൃതമോഹങ്ങൾപേറി
പദയാത്ര തുടരുമ്പോൾ;
അകലെ മേഘക്കീറിൻ
ശവവസ്ത്രത്തിൽനിന്നും
ഒരു വെണ്താരം വ്യർത്ഥ -
സ്വപ്നമായ്പ്പതിച്ചുവോ ?
കറുകത്തുമ്പിൽ കാലം-
ചൂടിച്ച തൂമുത്തിന്റെ
കവിളിൽ തുടിയ്ക്കുന്നു
ദുഃഖസാന്ദ്രമാം കാവ്യം !
0 comments :
Post a Comment